ضمانت مسترد ہونے پر عمر خالد نے کہا ’اب جیل ہی میری زندگی ہے‘، ساتھیوں کی رہائی پر خوشی کا اظہار

سپریم کورٹ کے فیصلے کے بعد پیر کو عمر خالد نے اپنی ساتھی بانو جیوتسنا لہری سے بات چیت میں کہا کہ اب جیل ہی ان کی زندگی بن گئی ہے۔ انہوں نے کہا کہ انہیں اس بات کی خوشی ہے کہ دوسروں کو ضمانت مل گئی ہے، خواہ انہیں خود راحت نہیں ملی۔

بانو جیوتسنا لہری نے اس بات چیت کو سوشل میڈیا پلیٹ فارم ’ایکس‘ پر شیئر کیا۔ انہوں نے لکھا کہ عمر خالد نے کہا کہ وہ دوسروں کی ضمانت سے بہت خوش ہیں اور راحت محسوس کر رہے ہیں۔ انہوں نے یہ بھی کہا کہ وہ اگلے دن ان سے ملنے آئیں گی، جس پر عمر نے جواب دیا کہ اب یہی زندگی ہے۔