نئے سال کے پہلے ہی دن مہنگائی کا جھٹکا، کمرشل ایل پی جی سلنڈر 111 روپے تک مہنگا

قابلِ ذکر ہے کہ یہ اضافہ ایسے وقت میں کیا گیا ہے جب ہوٹل، ریسٹورنٹ، ڈھابے اور چھوٹے کاروباری ادارے پہلے ہی بڑھتی لاگت اور کمزور طلب کے دباؤ کا سامنا کر رہے ہیں۔ کمرشل ایل پی جی کی قیمتوں میں اضافے کا براہِ راست اثر کھانے پینے کی اشیاء اور دیگر خدمات کی قیمتوں پر بھی پڑنے کا خدشہ ظاہر کیا جا رہا ہے۔

دلچسپ بات یہ ہے کہ اس سے قبل دسمبر 2025 میں کمرشل ایل پی جی سلنڈر کی قیمتوں میں معمولی کمی کی گئی تھی۔ یکم دسمبر کو دہلی اور کولکاتا میں 10 روپے جبکہ ممبئی اور چنئی میں 11 روپے فی سلنڈر کمی کی گئی تھی۔ اس سے بھی پہلے نومبر 2025 میں قیمتوں میں کمی دیکھی گئی تھی، جس کے بعد لگاتار دو ماہ تک نرخ گھٹے رہے تھے۔ تاہم نئے سال کے آغاز پر یہ رجحان بدل گیا اور قیمتوں میں یکدم اضافہ کر دیا گیا۔