سونے اور چاندی کی قیمتوں میں تاریخی تیزی، نئی بلند ترین سطح پر پہنچے

ملکی اور عالمی سطح پر غیر یقینی صورتحال کے درمیان منگل کی صبح سونے اور چاندی کی قیمتوں میں زبردست اچھال دیکھنے میں آیا۔ محفوظ سرمایہ کاری کے رجحان کے باعث قیمتی دھاتوں نے نئی تاریخ رقم کی۔ ملٹی کموڈیٹی ایکسچینج (ایم سی ایکس) پر فروری فیوچر سونے کی قیمت 1.1 فیصد اضافے کے ساتھ 138300 روپے فی 10 گرام کی تاریخی بلند ترین سطح پر پہنچ گئی، جبکہ چاندی 1.7 فیصد کی تیزی کے ساتھ 216596 روپے فی کلوگرام کے ریکارڈ درجے تک جا پہنچی۔

صبح تقریباً 9:10 بجے سونا 1.06 فیصد اضافے کے ساتھ 138191 روپے فی 10 گرام پر ٹریڈ کر رہا تھا، جبکہ چاندی 1.40 فیصد بڑھ کر 215860 روپے فی کلوگرام پر رہی۔ مارکیٹ کے ماہرین کے مطابق عالمی سطح پر مثبت اشاروں اور جغرافیائی سیاسی تناؤ نے قیمتی دھاتوں میں تیزی کو مزید تقویت دی ہے۔