گجرات ہائی کورٹ کا مسلم وقف اداروں کو کورٹ فیس میں چھوٹ دینے سے انکار، 150 درخواستیں خارج

اس فیصلے کے بعد اب گجرات میں وقف اداروں کو وقف املاک سے متعلق معاملات میں دیگر فریقوں کی طرح کورٹ فیس ادا کرنا ہوگی۔ خیال کیا جاتا ہے کہ اس سے وقف ٹربیونل اورعدالتوں میں زیر التوا مقدمات کاعمل مزید واضح اور سخت ہوجائے گا۔ گجرات ہائی کورٹ کے فیصلے پر نائب وزیر اعلیٰ ہرش سنگھوی نے خوشی کا اظہار کیا ہے۔ اس کے ساتھ ہی انہوں نے عدالت کے فیصلے کا خیر مقدم کیا۔ انہوں نے کہا کہ اب تک فیس نہ لینے کی وجہ سے زیر التوا کیسز میں اضافہ ہو رہا تھا۔ اب مقدمات کم آئیں گے تو زیرالتویٰ مقدمات کو جلد از جلد حل کیا جاسکے گا۔