تھائی لینڈ سے ہندوستان پہنچے لوتھرا برادران، دہلی ایئرپورٹ پر گرفتاری

ہندوستانی سفارت خانے کی مداخلت کے بعد تھائی حکام نے دونوں ملزمین کو حراست میں لیا تھا۔ حوالگی کا عمل مکمل ہونے کے بعد انہیں ہندوستان روانہ کیا گیا۔ سوشل میڈیا پر وائرل ویڈیوز میں لوتھرا برادران کو بنکاک ایئرپورٹ پر دیکھا گیا تھا، جس کے بعد ان کی وطن واپسی کی تصدیق ہوئی۔

دہلی پہنچنے پر آئی جی آئی ایئرپورٹ کے ٹرمینل-3 کے امیگریشن ایریا میں گوا پولیس اور دہلی پولیس کی مشترکہ ٹیم موجود رہی۔ امیگریشن کلیئرنس کے بعد دونوں ملزمین کو باضابطہ طور پر گرفتار کر کے گوا پولیس کے حوالے کر دیا گیا۔ حکام کے مطابق ابتدائی قانونی کارروائی مکمل کرنے کے بعد انہیں دہلی کی پٹیالہ ہاؤس کورٹ میں پیش کیا جائے گا۔