’18 ہزار حلف ناموں میں صرف 14 کا ملا جواب‘، اکھلیش یادو نے الیکشن کمیشن کو ’جُگاڑ کمیشن‘ قرار دیا

دوسری جانب ’ووٹر ادھیکار یاترا‘ کے اختتامی ریلی میں شامل شیو سینا (یو بی ٹی) کے راجیہ سبھا رکن سنجے راؤت نے بھی بی جے پی پر ووٹ چوری کا الزام عائد کیا۔ انہوں نے کہا کہ ’’راہل گاندھی اور تیجسوی یادو سے اتنا ہی کہوں گا کہ آپ نے ووٹر ادھیکار یاترا سے انقلاب کی مشعل جلائی ہے۔ آپ کے ساتھ صرف بہار نہیں چلا، بلکہ آپ کے ساتھ پورا ہندوستان چل رہا تھا۔‘‘ ساتھ ہی انہوں نے کہا کہ ’’اب ہمارے ووٹ چوروں کے سردار چین میں بیٹھے ہیں، یہ انقلاب کی آوازچین تک جانی چاہیے۔‘‘