17 سال بعد آج فیصلہ متوقع، پرگیہ سنگھ ٹھاکر، کرنل پروہت سمیت تمام ملزمان کو عدالت میں پیش ہونے کا حکم

اس کیس میں مرکزی ملزمان میں بی جے پی کی موجودہ رکن پارلیمنٹ پرگیہ سنگھ ٹھاکر، لیفٹیننٹ کرنل پرساد پروہت اور ریٹائرڈ میجر رمیش اوپادھیائے شامل ہیں۔ ان پر غیر قانونی سرگرمیوں کی روک تھام کے قانون (یو اے پی اے) اور تعزیراتِ ہند (آئی پی سی) کی مختلف دفعات کے تحت الزامات عائد کیے گئے ہیں۔ تمام ملزمان اس وقت ضمانت پر ہیں۔

مالیگاؤں میں 29 ستمبر 2008 کو اس وقت بم دھماکہ ہوا تھا جب رمضان کا مہینہ جاری تھا اور نوراتری کی تیاری ہو رہی تھی۔ موٹر سائیکل میں نصب دھماکہ خیز مواد پھٹنے سے 6 افراد ہلاک اور 100 سے زائد زخمی ہوئے تھے۔ یہ واقعہ مہاراشٹر کے ناسک ضلع کے اس مسلم اکثریتی شہر میں پیش آیا تھا۔