یو این میں نتن یاہو کے خطاب کا عالمی بائیکاٹ؛ متعدد عرب، مسلم، افریقی اور یورپی ممالک کا واک آؤٹ

اقوام متحدہ کی جنرل اسمبلی میں اسرائیلی وزیراعظم بنجامن نتن یاہو کا خطاب جمعہ کے روز ایک غیر معمولی منظر کا باعث بنا۔ جیسے ہی نتن یاہو اسٹیج پر آئے، متعدد عرب، مسلم، افریقی اور بعض یورپی ممالک کے نمائندے اجتماعی طور پر واک آؤٹ کرتے ہوئے باہر نکل گئے، جس کے نتیجے میں ہال تقریباً خالی ہو گیا۔

امریکی وفد اپنی نشستوں پر موجود رہا اور کچھ نمائندوں نے تالیاں بجا کر نتن یاہو کا خیر مقدم بھی کیا۔ خطاب کے دوران ہال میں شور اور مکس ردعمل دیکھا گیا لیکن نتن یاہو نے اپنی تقریر جاری رکھی اور زور دیا کہ اسرائیل کو غزہ میں حماس کے خلاف کارروائی مکمل کرنی ہوگی۔