ہندوستان کے پہلے اے آئی کلینک کا گریٹر نوئیڈا کے سرکاری اسپتال میں ہوا افتتاح

یہ اے آئی کلینک میڈیکل انکیوبیٹر سینٹر کے ذریعے شروع کیا گیا ہے، جس کا بنیادی مقصد اے آئی پر مبنی ہیلتھ کیئر اسٹارٹ اپس کو حقیقی دنیا کے طبی ماحول میں اپنے حل ڈیولپ کرنے، تجربہ کرنے اور ان کی توثیق کرنے کا موقع فراہم کرنا ہے۔

اس آن لائن افتتاحی تقریب میں ہندوستان اور بیرون ملک سے 100 سے زیادہ افراد نے حصہ لیا۔ ان میں ڈاکٹر، اے آئی اسٹارٹ اپس، محققین، پالیسی ساز اور ماہرین تعلیم شامل تھے۔ اس موقع پرحکومت ہند کے محکمہ فارماسیوٹیکل (طبی آلات) کے جوائنٹ سکریٹری بھی موجود تھے۔ انہوں نے اس اقدام کو طبی آلات اوراے آئی  پر مبنی صحت کی دیکھ بھال کے لیے ایک اہم قومی پلیٹ فارم قرار دیا۔