ہندوستان اور بنگلہ دیش کے لیے امتحان کا وقت… سوربھ سین

بنگلہ دیش انتخاب کے نتائج نئی دہلی کے دوسرے نظریے کو مضبوط کریں گے جو زیادہ وسیع ہے اور اسے وزیر خارجہ ایس جئے شنکر اور ہندوستان و بنگلہ دیش کے قومی سیکورٹی مشیر اجیت ڈووال و خلیل الرحمن آگے بڑھا رہے ہیں۔ بی این پی کا واضح مینڈیٹ کے ساتھ اقتدار میں آنا دونوں پڑوسیوں کے لیے ایک موقع ہے۔ وزیر اعظم مودی اور کانگریس صدر ملکارجن کھڑگے کی طرف سے وزیر اعظم بننے جا رہے طارق رحمن کو مبارکباد کا پیغام دہلی کی پھر سے بات چیت کرنے کی خواہش کا اشارہ دیتے ہیں۔