ہندوستانی خواتین کا ٹی-20 کے بعد ون ڈے سیریز پر بھی قبضہ، ہرمن کی شاندار سنچری

یہ پہلا موقع ہے جب ہندوستانی خواتین نے انگلینڈ میں دونوں سیریز جیتی ہوں۔ اس سے قبل ہندوستان نے جنوبی افریقہ (2018)، سری لنکا (2018، 2022) اور ویسٹ انڈیز (2019) کے خلاف بھی ایک ہی دورے پر دونوں سیریز جیتی تھیں لیکن انگلینڈ کی سرزمین پر یہ کارنامہ پہلی بار انجام پایا ہے۔

تیسرے ون ڈے میں ہندوستان نے ٹاس جیت کر پہلے بیٹنگ کی۔ ٹیم نے کپتان ہرمنپریت کور کے شاندار سنچری کی بدولت 5 وکٹ پر 318 رنز بنائے۔ اوپنر پرتیکا راؤل اور اسمرتی مندھانا نے ٹیم کو 64 رنز کی شراکت سے شروعات دلائی۔ پرتیکا نے 26 اور مندھانا نے 45 رن بنائے۔