ہماچل پردیش میں شدید بارش کے بعد بھاری لینڈسلائیڈنگ، چنڈی گڑھ-منالی ہائی وے مکمل طور پر بند

انتظامیہ نے منالی جانے والے سیاحوں اور مقامی باشندوں کو متنبہ کیا ہے کہ وہ متبادل راستوں کا استعمال کریں یا غیر ضروری سفر سے گریز کریں، جب تک کہ سڑک مکمل طور پر محفوظ نہ ہو جائے۔ موجودہ موسمی حالات کو مدِنظر رکھتے ہوئے مزید لینڈ سلائیڈنگ کے خدشے کو رد نہیں کیا جا سکتا۔

ریاست میں مانسون کے دوران ایسے واقعات میں نمایاں اضافہ دیکھا گیا ہے۔ حالیہ ہفتوں میں کئی اضلاع سے لینڈ سلائیڈنگ اور سڑکوں کے بیٹھ جانے کی خبریں سامنے آئی ہیں، جس نے نہ صرف عوامی آمدورفت کو متاثر کیا بلکہ سیاحت کے شعبے کو بھی نقصان پہنچایا ہے۔