ہماچل پردیش میں سیلاب و بادل پھٹنے سے تباہی، کانگڑا میں 5 لاشیں برآمد، 3 افراد کی تلاش جاری

سرکاری اطلاعات کے مطابق اب تک کانگڑا ضلع کے ایک ہائیڈرو پاور پروجیکٹ سائٹ سے پانچ لاشیں نکالی جا چکی ہیں، جبکہ تین دیگر افراد کی تلاش جاری ہے۔ ان کے تیز بہاؤ میں بہہ جانے کا خدشہ ہے۔ دوسری جانب کلّو کے علاقے ریہلا بہال میں بھی بادل پھٹنے کے بعد تین افراد لاپتہ ہو گئے تھے، جن کی تلاش کے لیے خصوصی مہم جاری ہے۔

چمبہ ضلع کی رہنے والی ایک خاتون، لَوَلی کو امدادی ٹیموں نے جنگل سے محفوظ نکالا۔ انہوں نے بتایا کہ وہ جس عارضی کیمپ میں تھیں، وہاں 13 لوگ موجود تھے۔ ان میں سے پانچ پہاڑی کی طرف دوڑ گئے، مگر باقی پانی کی زد میں آ گئے۔