’ہمارے پیارے کہاں ہیں؟‘ یمنا ایکسپریس وے حادثے کے 2 روز بعد بھی 20 افراد کا کوئی سراغ نہیں

انتظامیہ کی جانب سے تشکیل دی گئی خصوصی ٹیم نے باقیات کی شناخت کی تصدیق کے لیے لواحقین سے خون کے نمونے لئے ہیں۔ پہلے دن 7 لوگوں کے نمونے لیے گئے جبکہ دوسرے دن بدھ کو مزید 4 افراد نے بھی اپنے ڈی این اے نمونے سونپے ہیں۔ اب تک 11 افراد کے نمونے فرانزک جانچ کے لیے محفوظ کئے جاچکے ہیں۔ میڈیکل افسران کے مطابق ڈی این اے میچنگ کا عمل حساس اور وقت طلب ہوتا ہے۔ نمونوں کو جانچ کے لیے آگرہ واقع لیب بھیجا گیا ہے۔ اس عمل کو مکمل ہونے میں کم از کم ایک ہفتہ لگے گا۔ اس دوران لواحقین اپنے پیاروں کی باقیات پانے کی امید میں پوسٹ مارٹم ہاؤس اور ضلع اسپتال کے چکر لگا رہے ہیں۔