گورنر اور صدر کے اختیارات پر سوال، صدارتی ریفرنس پر 19 اگست سے سماعت کرے گا سپریم کورٹ

نئی دہلی: ریاستی گورنروں اور صدر جمہوریہ کی جانب سے ریاستی اسمبلیوں سے منظور شدہ بلوں پر فیصلے میں تاخیر جیسے اہم مسئلے پر صدر جمہوریہ کی جانب سے بھیجے گئے ریفرنس پر سپریم کورٹ نے 19 اگست سے 10 ستمبر تک سماعت کرنے کا فیصلہ کیا ہے۔

یہ معاملہ آئینِ ہند کے آرٹیکل 200 اور 201 کے تحت گورنروں اور صدر کی قانون سازی سے متعلق اختیارات سے جڑا ہوا ہے۔ عدالت کی پانچ رکنی آئینی بنچ اس بات پر غور کرے گی کہ گورنر اور صدر کو اسمبلی سے منظور شدہ کسی بل پر کتنے دنوں میں فیصلہ سنانا چاہیے۔