گمنام پارٹیوں کو 4300 کروڑ کا چندہ کہاں سے ملا؟ کیا ان سے حلف نامہ مانگا گیا؟ راہل کا الیکشن کمیشن سے تلخ سوال

دراصل ’دینک بھاسکر‘ کی ایک رپورٹ میں انکشاف ہوا ہے کہ گجرات کی 10 گمنام پارٹیوں کو 5 سال میں 4300 کروڑ روپے کا چندہ ملا ہے، اسی خبر کے حوالے سے راہل نے الیکشن کمیشن پر طنز کسا ہے۔

راہل گاندھی نے اپنے سوشل میڈیا سائٹ ’ایکس‘ پر ’دینک بھاسکر‘ کی خبر کو شیئر کرتے ہوئے لکھا- ’’گجرات میں کچھ ایسی گمنام پارٹیاں ہیں جن کا نام کسی نے نہیں سنا، لیکن 4300 کروڑ کا چندہ ملا ہے۔ ان پارٹیوں نے بہت ہی کم موقعوں پر انتخاب لڑا ہے، یا ان پر خرچ کیا ہے۔‘‘