گرمی کے موسم میں سردی! شمال مغربی ہندوستان میں بدل گیا موسم کا مزاج، اترپردیش میں سرد ہواؤں اور بارش کا الرٹ

محکمہ موسمیات کے مطابق گزشتہ 24 گھنٹوں کے دوران جموں و کشمیر، لداخ، گلگت بلتستان، مظفرآباد، اتراکھنڈ، ہریانہ، راجستھان اور مغربی مدھیہ پردیش میں کئی مقامات پر 30 سے ​​50 کلومیٹر فی گھنٹہ کی رفتار سے ہوائیں چلیں۔ کچھ مقامات پر گرج چمک کے ساتھ بارش بھی ہوئی۔ وہیں اروناچل پردیش، آسام اور میگھالیہ، امپھال، ودربھ، چھتیس گڑھ، کونکن اور گوا، مدھیہ مہاراشٹر، مراٹھواڑہ، گجرات علاقہ اور کچھ کے مختلف حصوں میں ہلکی بارش ریکارڈ کی گئی۔ آسام میں چند مقامات پر بھاری بارش (7-11 سینٹی میٹر) ریکارڈ کی گئی۔