گجرات کی دو فارما کمپنیاں شک کے دائرے میں، تحقیقات کا آغاز

رپورٹوں کے مطابق مدھیہ پردیش میں اس کف سیرپ کے استعمال سے اب تک کئی بچے جان گنوا چکے ہیں۔ لیبارٹری تجزیے میں سیرپ میں ’ڈائی ایتھائلین گلائکول‘ کی مقدار خطرناک حد تک زیادہ پائی گئی ہے۔ یہ وہی زہریلا کیمیکل ہے جس کے باعث ماضی میں بھی کئی ممالک میں بچوں کی اموات ہو چکی ہیں۔ تاہم، ریاستی فوڈ اینڈ ڈرگ کمیشن نے ابھی تک اس معاملے میں کوئی باضابطہ بیان جاری نہیں کیا ہے۔

مدھیہ پردیش انتظامیہ نے گجرات حکومت کو مطلع کیا تھا کہ سیرپ کے دس نمونے معیار کے مطابق نہیں پائے گئے۔ ان میں سے دو نمونے احمد آباد اور سریندر نگر کی کمپنیوں کے تھے۔ اس اطلاع کے بعد مرکزی ایجنسی نے بھی معاملے کی جانچ شروع کر دی ہے۔