کیرالہ میں طوفانی بارشوں سے تباہی، 5 اضلاع میں اورنج الرٹ، ایک شخص ہلاک

آئی ایم ڈی نے اتوار کو شمالی کیرالہ کے پانچ اضلاع — ایڈوکی، ملپّورم، کوژیکوڈ، کنّور اور کاسرگوڑ — کے لیے اورنج الرٹ جاری کیا ہے، جبکہ ترواننت پورم، کولم اور الاپّی کو چھوڑ کر باقی بیشتر اضلاع کو یلو الرٹ پر رکھا گیا ہے۔ ضلعی انتظامیہ نے حساس علاقوں میں آفتی امدادی ٹیموں کو چوکسی پر رہنے کی ہدایت دی ہے۔

ایڈوکی کے کُمِلی علاقے میں ایک افسوسناک حادثہ پیش آیا، جہاں شدید بارش کے دوران ایک شخص کی موت ہو گئی۔ مقامی لوگوں کے مطابق، ان کی گاڑی لینڈسلائڈ کے بعد سڑک پر جمع کیچڑ کے ڈھیر سے ٹکرا گئی۔