کواڈ ممالک کی پہلگام حملے کی مذمت، دہشت گردی کے خلاف مشترکہ بیان

بیان میں کہا گیا کہ ’’ہم 22 اپریل کو پہلگام میں ہوئے دہشت گردانہ حملے کی شدید الفاظ میں مذمت کرتے ہیں، جس میں 25 ہندوستانی اور ایک نیپالی شہری جاں بحق جبکہ کئی افراد زخمی ہوئے۔ ہم متاثرہ خاندانوں کے ساتھ گہری ہمدردی کا اظہار کرتے ہیں اور زخمیوں کی جلد صحتیابی کی دعا کرتے ہیں۔‘‘

کواڈ وزرائے خارجہ نے زور دیا کہ اس بزدلانہ حملے کے مجرموں، منصوبہ سازوں اور مالی مددگاروں کو جلد از جلد انصاف کے کٹہرے میں لایا جائے۔ بیان میں اقوامِ متحدہ کے تمام رکن ممالک سے اپیل کی گئی کہ وہ بین الاقوامی قانون اور سلامتی کونسل کی قراردادوں کے تحت ذمہ دار حکام سے تعاون کریں تاکہ دہشت گردی کے خاتمے میں موثر پیش رفت ہو سکے۔