’کانگریس کی 5 سالہ محنت کو ڈیڑھ سال میں برباد کر دیا‘، گووند ڈوٹاسرا نے راجستھان کی بی جے پی حکومت کو بنایا ہدف تنقید

کانگریس ریاستی صدر گووند ڈوٹاسرا نے بلدیاتی انتخاب پر کہا کہ آئین میں 5 سال میں انتخاب کرانے کا التزام ہے، لیکن بی جے پی حکومت اس میں تاخیر کر رہی ہے۔ عدالت میں یہ معاملہ زیر التوا ہے اور حکومت کو کوئی راحت نہیں ملے گی۔ ساتھ ہی آئندہ ضمنی انتخاب کو لے کر انہوں نے دعویٰ کیا کہ کانگریس یہاں جیت درج کرے گی۔ اخیر میں انہوں نے طنز کستے ہوئے کہا کہ یہ عوام کی حکومت نہیں، ٹائم پاس کرنے والی حکومت ہے۔