کانگریس نے 284 امیدواروں کے ناموں کا کیا اعلان، ادھیر رنجن بہرام پور سے میدان میں

نئی دہلی: مغربی بنگال اسمبلی انتخابات کے لیے کانگریس پارٹی نے اپنی انتخابی حکمت عملی کو عملی شکل دیتے ہوئے 294 میں سے 284 اسمبلی نشستوں پر امیدواروں کے ناموں کا اعلان کر دیا ہے، جبکہ باقی 10 نشستوں کے لیے امیدواروں کے ناموں کا اعلان ابھی باقی ہے۔

جاری کردہ فہرست کے مطابق سابق رکن پارلیمنٹ ادھیر رنجن چودھری کو بہرام پور اسمبلی حلقے سے امیدوار بنایا گیا ہے، جو ان کا مضبوط سیاسی گڑھ مانا جاتا ہے۔ اسی طرح موسم نور کو مالتی پور سے میدان میں اتارا گیا ہے، جبکہ پردیپ پرساد کو بھوانی پور سے ٹکٹ دیا گیا ہے، جہاں گزشتہ انتخابات میں ممتا بنرجی نے کامیابی حاصل کی تھی۔