چیٹ جی پی ٹی کے ذریعے 12 ویں کے امتحان میں اجتماعی نقل کی سازش، 3 اساتذہ سمیت 4 معطل

محکمہ تعلیم نے ملزم تمام ملازمین کو فوری طور پر معطل کرنے کے احکامات جاری کر دیئے ہیں۔ اس سلسلے میں محکمہ جاتی تفتیش بھی شروع ہوگئی ہے تاکہ یہ پتا لگایا جاسکے کہ اس سازش میں اور کون کون ملوث تھے۔ وہیں افسران نے پورے واقعہ کی تفصیلی رپورٹ طلب کرلی ہے۔ اس واقعہ سےگڑچرولی ضلع کے محکمہ تعلیم میں کھلبلی مچ گئی ہے۔ تمام امتحانی مراکز پرنگرانی سخت کرنے اور اچانک معائنہ تیزکرنے کی ہدایات جاری کی گئی ہیں۔ امتحانی عمل کو شفاف اور منصفانہ بنانے کے لیے اضافی چوکسی برتی جارہی ہے۔ افسران نے واضح کیا ہے کہ کسی بھی طرح کی نقل یا ٹیکنالوجی کے غلط استعمال کو برداشت نہیں کیا جائے گا۔