چین کے خلاف سخت پابندیوں کا راستہ ہموار، امریکی ایوانِ نمائندگان سے بل منظور

اس بل کے تحت برآمدی کنٹرول قوانین کے نفاذ کے لیے اضافی فنڈ فراہم کیے گئے ہیں تاکہ حساس امریکی ٹیکنالوجی چین تک منتقل ہونے سے روکی جا سکے۔ بیورو آف انڈسٹری اینڈ سیکیورٹی کے بجٹ میں 44 ملین ڈالر کا اضافہ کیا گیا ہے، جس کے بعد اس کی مجموعی فنڈنگ 235 ملین ڈالر تک پہنچ گئی ہے۔ قانون سازوں کے مطابق اس سے قومی سلامتی کو لاحق خطرات پر بہتر نگرانی ممکن ہو سکے گی۔

چین سے جڑے تجارتی معاملات میں اینٹی ڈمپنگ اور کاؤنٹر ویلنگ ڈیوٹی کے نفاذ کے لیے بھی 16.4 ملین ڈالر مختص کیے گئے ہیں۔ بل کے حامیوں کا کہنا ہے کہ اس اقدام کا مقصد امریکی مزدوروں اور صنعتوں کو غیر منصفانہ تجارتی طریقوں سے تحفظ فراہم کرنا ہے۔