چھتیس گڑھ میں 71 نکسلیوں کی خود سپردگی، مرکزی دھارے میں ہوں گے شامل

ریاستی حکومت نے اعلان کیا ہے کہ ہر خود سپردگی کرنے والے کو نئی زندگی شروع کرنے کے لیے 50 ہزار روپے بطور ترغیب فراہم کیے جائیں گے۔ اس کے ساتھ ساتھ ’ایل ڈبلیو ای‘ کے خاتمے کے تحت دیگر سہولتیں بھی دی جائیں گی۔

وزیر اعلیٰ نے یہ بھی واضح کیا کہ دسمبر 2023 سے اب تک 1,770 سے زیادہ نکسلائٹس مرکزی دھارے میں شامل ہو چکے ہیں، جو ریاستی حکومت کی فلاحی پالیسیوں پر عوام کے بڑھتے اعتماد کی علامت ہے۔ ان کا کہنا تھا کہ حکومت 31 مارچ 2026 تک چھتیس گڑھ کو نکسل تشدد سے پاک کرنے کے ہدف کے لیے پرعزم ہے اور سابق نکسلائٹس کو باوقار باز آبادکاری فراہم کرنے کی کوششیں جاری ہیں۔