پرگیہ ٹھاکر سمیت 7 ملزمین کی بریت کے خلاف ہائی کورٹ میں رٹ پٹیشن

یہ اپیل نثار احمد، سید بلال اور دیگر متاثرین کی جانب سے ان کے وکیل متین شیخ کے توسط سے دائر کی گئی۔ درخواست گزاروں نے اپنی عرضداشت میں کہا ہے کہ 31 جولائی کو خصوصی این آئی اے عدالت نے جو فیصلہ دیا، وہ غلط، غیر منصفانہ اور قانونی طور پر کمزور ہے، لہٰذا ہائی کورٹ اسے کالعدم قرار دے۔

مہاراشٹر کے ضلع ناسک کے مالیگاؤں قصبے میں 29 ستمبر 2008 کو ایک مسجد کے قریب پارک کی گئی موٹرسائیکل پر نصب بم پھٹنے سے 6 افراد ہلاک اور 101 زخمی ہو گئے تھے۔ اس واقعے کے بعد این آئی اے نے کئی افراد کو گرفتار کیا، جن میں پرگیہ ٹھاکر، لیفٹیننٹ کرنل پرساد پروہت، میجر (ریٹائرڈ) رمیش اپادھیائے، اَجے راہیرکر، سُدھاکر دویدی، سُدھاکر چترویدی اور سمیر کلکرنی شامل تھے۔