پارلیمنٹ کی کارروائی شروع ہوتے ہی ہنگامہ، دونوں ایوان 12 بجے تک کے لیے ملتوی

ادھر سماج وادی رکن پارلیمنٹ ڈمپل یادو پر اے آئی آئی اے صدر مولانا ساجد رشیدی کے تبصرہ پر بھی پارلیمنٹ میں ہنگامہ ہوا۔ اس معاملے پر این ڈی اے کے اراکین پارلیمںٹ نے آج پارلیمنٹ احاطہ میں ایس پی سربراہ اکھلیش یادو کے خلاف احتجاجی مظاہرہ کیا۔ احتجاجی مظاہرہ کے دوران بی جے پی کی ایم پی میدھا کلکرنی نے کہا کہ میں حیران ہوں کہ (اکھلیش یادو) خاموش کیوں ہیں، جن کی اہلیہ کے خلاف یہ تبصرہ کیا گیا ہے۔

وہیں پارلیمنٹ احاطہ میں بہار ووٹر لسٹ نظر ثانی معاملے پر اپوزیشن کا احتجاج جاری ہے۔ کانگریس رہنما راہل گاندھی، ملکارجن کھڑگے سمیت اپوزیشن جماعتوں کے کئی رہنما اس مظاہرے میں شامل ہوئے۔