ٹیسلا اور وِن فاسٹ کی انٹری، ہندوستان میں برقی کاروں کی دوڑ کا آغاز

دوسری جانب، ون فاسٹ نے براہ راست درآمد کی بجائے گاڑیوں کو ہندوستان میں اسمبل کرنے کا راستہ چُنا ہے، جس سے ان کی قیمتوں میں کافی فرق آئے گا۔ کمپنی نے پہلے ہی 27 شہروں میں 32 ڈیلرشپ قائم کر لی ہیں، جن میں دہلی، حیدرآباد، کولکاتا، بنگلورو، احمد آباد، پونے اور لکھنؤ جیسے بڑے شہر شامل ہیں۔

ون فاسٹ کا سب سے بڑا قدم اس کا تمل ناڈو کے تُوتُکُڈی میں 400 ایکڑ پر قائم ای وی پلانٹ ہے، جہاں کمپنی 2 بلین ڈالر کی سرمایہ کاری کر رہی ہے۔ اس فیکٹری سے پانچ سال میں 3,500 نوکریوں کے مواقع پیدا ہونے کی امید ہے، جبکہ ابتدائی طور پر سالانہ 50,000 یونٹ گاڑیوں کی پیداوار کا ہدف رکھا گیا ہے۔