وی ایس آر وینچرز کے چار طیاروں کی پرواز پر پابندی، سول ایوی ایشن کی سخت کارروائی

حادثے میں صوبے کے نائب وزیر اعلیٰ اجیت پوار کی موت ہو گئی تھی۔ ان کے بھتیجے اور نیشنلسٹ کانگریس پارٹی کے رکن اسمبلی روہت پوار نے طیارے کی مالک نجی کمپنی پر سیفٹی ضابطوں کی خلاف ورزی کا الزام عائد کیا تھا اور متعدد پریس کانفرنسوں میں تکنیکی بے ضابطگیوں کی نشاندہی کی تھی۔ انہوں نے بعض معاملات میں ممکنہ گڑبڑی کا بھی اظہار کیا تھا۔

بین الاقوامی شہری ہوا بازی تنظیم کے ضابطوں کے مطابق کسی بھی فضائی حادثے کی ابتدائی رپورٹ تیس دن کے اندر جاری کرنا ضروری ہوتا ہے۔ شہری ہوا بازی کی وزارت نے واضح کیا ہے کہ حادثے کی جانچ ایکسیڈنٹ انویسٹی گیشن بیورو کی نگرانی میں تکنیکی شواہد کی بنیاد پر کی جا رہی ہے۔ اس میں ملبے کا منظم معائنہ، آپریشنل اور مینٹیننس ریکارڈ کی جانچ اور ضرورت پڑنے پر پرزوں کی لیبارٹری جانچ شامل ہے۔