’ووٹ آن لائن ڈیلیٹ نہیں کیا جا سکتا‘، راہل گاندھی کے سنگین الزام پر الیکشن کمیشن نے کیا اپنا دفاع

راہل گاندھی نے پریس کانفرنس میں مہاراشٹر کے راجورا اسمبلی حلقہ کی بھی مثال پیش کی۔ انھوں نے کہا کہ ’’راجورا میں 6850 ووٹرس کو غیر قانونی طریقے سے جوڑا گیا ہے۔ کرناٹک کے آلند میں ہمیں ووٹ ہٹانے کے معاملے ملے، جبکہ راجورا میں ووٹ جوڑنے کے ثبوت ملے۔ لیکن اصل ایشو وہی ہے۔ یہ سب ایک ہی سسٹم کے ذریعہ ہو رہا ہے۔‘‘ ساتھ ہی وہ کہتے ہیں کہ ’’یہ صرف کرناٹک یا مہاراشٹر تک محدود نہیں ہے بلکہ ہریانہ، اتر پردیش اور دیگر ریاستوں میں بھی ہو رہا ہے۔ ہمارے پاس اس کے پختہ ثبوت ہیں۔‘‘