نیو یارک کے مین ہیٹن میں اندھا دھند فائرنگ، پولیس افسر سمیت 5 کی موت، بندوق بردار بھی مارا گیا

نیویارک سٹی کے مین ہٹن علاقے میں پیر کی شام ایک شدید فائرنگ کا معاملہ سامنے آیا ہے۔ اس حملے میں ایک نیو یارک پولیس افسر سمیت 5 لوگوں کی موت ہو گئی ہے جبکہ کئی افراد زخمی ہوئے ہیں۔ یہ خوفناک واقعہ ایک 44 منزلہ آفس بلڈنگ میں ہوا جہاں بلیک اسٹون اور این ایف ایل کا ہیڈ کوارٹر واقع ہے۔

پولیس کے مطابق 27 سال کا شین تامورا نامی ایک شخص شام قریب 6.30 بجے بلڈنگ میں داخل ہوا اور رائفل سے اندھا دھند فائرنگ شروع کر دی۔ بعد میں اس نے خود کو بھی گولی مار لی، جس سے اس کی موقع پر ہی موت ہو گئی۔ بندوق بردار نیواڈا کے لاس ویگا کا رہنے والا بتایا جا رہا ہے۔

نیو یارک فائر ڈپارٹمنٹ (ایف ڈی این وائی) کی اطلاع  کے مطابق  پیر کی شام انہیں پارک ایونیو واقع اس بلڈنگ سے کال آئی تھی کہ کسی کو گولی لگی ہے۔ حالانکہ محکمہ کے ترجمان نے زیادہ جانکاری نہیں دی۔ واقعہ کے بعد پورے علاقے میں افرا تفری مچ گئی۔ میئر ایڈمس نے سوشل میڈیا پر لکھا، ’’نیویارک والو! مڈ ٹاؤن میں فی الحال ایک فعال شوٹر جانچ چل رہی ہے۔ اگر آپ اس علاقے میں ہیں تو باہر نہ نکلیں‘‘۔ حالانکہ اس درمیان ہی  بندوق بردار نے خود کو گولی مار لی۔

این وائی پی ڈی کمشنر جیسیکا ڈِش نے سوشل میڈیا پلیٹ فارم ’ایکس‘ پر معاملے کی تصدیق کرتے ہوئے کہا، ’’فی الحال سین کو کنٹین کر لیا گیا ہے اور اکیلے شوٹر کو نیوٹرلائز کیا جا چکا ہے۔‘‘

اس واقعہ کے بعد ایف بی آئی بھی موقع پر پہنچا۔ ایف بی آئی کے ڈپٹی ڈائرکٹر ڈین بانجینو نے سوشل میڈیا سائٹ ’ایکس‘ پر جانکاری دی کہ ان کی ٹیم فعال کرائم سین میں سپورٹ دے رہی ہے۔ فی الحال پولیس کی ٹیم جانچ کر رہی ہے ملزم کا مقصد کیا تھا اور کیا وہ اکیلا تھا یا کسی نیٹ ورک سے جڑا تھا۔