نتیش کمار کی 10ویں بار بطور وزیراعلیٰ حلف برداری، وزیراعظم مودی تقریب میں کریں گے شرکت

پٹنہ: جنتا دل یونائیٹڈ کے سینئر رہنما نتیش کمار آج اپنی 10ویں مدت کے لیے وزیراعلیٰ کے عہدے کا حلف لیں گے۔ حلف برداری کی یہ تقریب صبح 11:30 بجے راج بھون، پٹنہ میں منعقد ہوگی جس میں ملک کی اہم سیاسی شخصیات کی بڑی تعداد شریک ہوگی۔

خیال رہے کہ گزشتہ روز این ڈی اے (قومی جمہوری اتحاد) کے نو منتخب ارکانِ اسمبلی نے ایک مشترکہ اجلاس میں نتیش کمار کو اپنا قائد منتخب کیا۔ اس اجلاس میں بی جے پی، جے ڈی یو، لوک جن شکتی پارٹی (رام ولاس)، ہندستانی عوام مورچہ (سیکولر) اور آر ایل ایم کے نمائندے موجود تھے۔