نئی دہلی میں پاکستانی ہائی کمیشن میں یوم آزادی کی تقریب

پاکستان ہائی کمیشن نئی دہلی کے زیر اہتمام پاکستان کی آزادی کی 78 ویں سالگرہ منائی گئی، ناظم الامور سعد احمد وڑائچ نے پرچم کشائی کی۔

نئی دہلی میں پاکستانی ہائی کمیشن کے زہراہتمام پاکستان کی آزادی کی 78 ویں سالگرہ منائی گئی، بھارت میں پاکستان کے ناظم الامور سعد احمد وڑآئچ نے ایک پروقار تقریب میں ہائی کمیشن کے چانسری لان میں قومی پرچم لہرایا۔

تقریب میں صدر پاکستان، وزیراعظم اور نائب وزیر اعظم و وزیر خارجہ کے پیغامات پڑھ کر سنائے گئے، جبکہ ناظم الامور سعد احمد وڑائچ نے آزادی کی عظیم جدوجہد کو خراج عقیدت پیش کیا۔

انہوں نے کہا کہ قائداعظم محمد علی جناحٌ کی متحرک قیادت میں برصغیر کے مسلمانوں نے آزاد وطن کی تخلیق کے لئے تاریخ کا دھارا بدل کر رکھ دیا۔

انہوں نے کہا کہ آزادی ایک عظیم نعمت اور خداوند کریم کا انمول تحفہ ہے، اور آزادی ہمہ وقت دفاع کرنا ضروری ہے۔

یوم آزادی کی تقریب میں ہائی کمیشن کے افسران، عملے اور ان کے اہل خانہ نےشرکت کی۔

دریں اثنا لبنان کے دارالحکومت بیروت میں بھی پاکستان کی 78ویں سالگرہ کی تقریب کا اہتمام کیا گیا، سفیر پاکستان سلمان اطہر نے سبز ہلالی پرچم بلند کیا۔

سلمان اطہر نے اس موقع پر کہا کہ افواج پاکستان اور پاکستانی عوام نے بھارتی تکبر خاک میں ملایا۔

انہوں نے کہا کہ لبنان کو احساس ہے کہ طاقتور فوج ملکی سالمیت کیلئے اہم ترین ہے۔

یوم آزادی کی تقریب میں پاکستانی کمیونٹی، سفارتی عملہ اور لبنانی شہریوں نے شرکت کی۔