میگھالیہ میں ہزاروں ٹن کوئلہ غائب، وزیر نے بارش کو ذمہ دار ٹھہرایا، عدالت کا سخت نوٹس

شیلانگ: میگھالیہ میں 4000 ٹن کوئلے کے اچانک غائب ہونے پر ریاستی حکومت کو سخت عدالتی کارروائی کا سامنا ہے۔ رپورٹ کے مطابق، پیر کو ریاست کے ایک وزیر نے بیان دیا کہ ممکن ہے شدید بارش نے کوئلے کو بہا دیا ہو۔ تاہم، عدالت نے اس وضاحت کو ناکافی قرار دیتے ہوئے متعلقہ افسران سے جواب طلب کر لیا ہے۔

میگھالیہ کے ایکسائز وزیر کرمن شیلا نے صحافیوں سے بات کرتے ہوئے کہا، ’’ریاست میں سب سے زیادہ بارش ہوتی ہے، اس لیے ممکن ہے کہ کوئلہ بارش کی وجہ سے بہہ گیا ہو۔ امکانات بہت زیادہ ہیں۔‘‘