میکسیکو فوجی کارروائی میں ڈرگ مافیا ایل مینچو ہلاک، ملک بھر میں ہنگامہ آرائی

امریکی محکمہ خارجہ نے جالیسکو، تاماؤلیپاس، میچواکان، گوریرو اور نووو لیون میں موجود اپنے شہریوں کو محفوظ مقامات پر رہنے کی ہدایت جاری کی ہے۔ میکسیکو میں کینیڈا کے سفارت خانے نے بھی اپنے شہریوں کو پویئرتو وییارٹا اور جالیسکو کے دیگر علاقوں میں غیر ضروری نقل و حرکت سے گریز کرنے کا مشورہ دیا ہے۔ جالیسکو کے گورنر پابلو لیمس نے رہائشیوں کو گھروں میں رہنے کی اپیل کی اور سکیورٹی اقدامات مزید سخت کر دیے گئے ہیں۔

حکام کا کہنا ہے کہ اگرچہ اس کارروائی کو منشیات کے خلاف جنگ میں بڑی کامیابی سمجھا جا رہا ہے، تاہم اس کے بعد پیدا ہونے والی صورتحال نے ایک بار پھر میکسیکو میں جرائم پیشہ گروہوں کی طاقت اور ریاست کو درپیش چیلنجز کو نمایاں کر دیا ہے۔