فرانس کے سابق صدر میاکرون کی بیوی بریگزٹ میکرون پر متنازعہ تبصرے کے حوالے سے امریکی صدر ڈونالڈ ٹرمپ ایک بار پھرسرخیوں میں ہیں۔ ٹرمپ کے اس ریمارکس نے بین الاقوامی سطح پر بحث چھیڑ دی ہے۔ فرانسیسی سیاستدانوں نے ٹرمپ کے بیان کو مکمل طور پر ناقابل قبول قرار دیا ہے۔ ٹرمپ کی تنقید کرنے کے لیے فرانس میں حکمراں اور اپوزیشن متحد ہوگیا ہے۔ دلچسپ بات یہ ہے کہ ٹرمپ کی ذاتی ازدواجی زندگی طویل عرصے سے تنازعات میں گھری رہی ہے۔ امریکی صدر نے 3 شادیاں کیں جن میں سے دو عوامی تنازعات کے درمیان طلاق پر ختم ہوئیں جب کہ ان کی تیسری شادی بھی اختلاف رائے کی وجہ سے وقتاً فوقتاً خبروں میں رہتی ہے۔
14 جون 1946 کو پیدا ہوئے امریکی صدر ڈونالڈ ٹرمپ کی پہلی شادی 1977 میں ایوانا ٹرمپ سے ہوئی تھی۔ ایوانا ٹرمپ ایک کاروباری خاتون اور سوشلائٹ کے طور پر جانی جاتی تھیں اور طویل عرصے تک ٹرمپ کی کاروباری سلطنت کا حصہ رہیں۔ تاہم یہ رشتہ 1990 کی دہائی کے اوائل میں اس وقت ٹوٹ گیا جب ٹرمپ کا تعلق اداکارہ مارلا میپلز کے ساتھ جوڑا جانے لگا۔ یہ تعلق 1990 کی دہائی کے اوائل میں عام ہوگیا تھا اور امریکی میڈیا میں اس پر کافی بحث ہوئی تھی۔ اس دوران ایوانا اور ٹرمپ کے درمیان اختلافات بڑھ گئے۔ ایوانا پہلے ان کی کاروباری سلطنت میں فعال کردار ادا کرتی تھیں لیکن ذاتی تنازعات نے ان کے ازدواجی تعلقات کو کمزور کر دیا۔ بالآخر 1992 میں ان کی طلاق ہوگئی۔ اسے اس وقت امریکہ میں ہائی پروفائل طلاقوں میں سے ایک کہا گیا تھا۔ میڈیا رپورٹس نے اس دور کو ٹرمپ کی ذاتی زندگی کا سب سے متنازعہ دور قرار دیا۔
اس کے بعد ٹرمپ نے 1993 میں مارلا میپلس سے شادی کی۔ تاہم یہ رشتہ بھی زیادہ وقت تک قائم نہیں رہا۔ دونوں کے درمیان اختلافات اور ان کے مختلف طرز زندگی کو طلاق کی وجہ قرار دیا گیا۔ مارلا میپلس اور ڈونالڈ ٹرمپ کی شادی 20 دسمبر 1993 کو نیویارک کے پلازہ ہوٹل میں ہوئی تھی۔ ان کی بیٹی ٹفنی کی پیدائش اگلے سال اکتوبر میں ہوئی تھی۔ شادی کے بعد ان کے تعلقات کشیدہ ہو نے لگے۔
دونوں کے دنیا کے تئیں نظریات، طرز زندگی اور اقدار الگ الگ تھے۔ جارجیا میں ایک عام پس منظر سے تعلق رکھنے والی مارلا نے روحانی ترقی اور خاندانی اقدار پر زور دیا، جب کہ ٹرمپ کاروبار اور پرتعیش طرز زندگی میں مصروف تھے۔ ان کا کہنا تھا کہ یہ رشتہ ’وہم‘ پر مبنی تھا اور وہ ایک دوسرے میں بہترین چیز نہیں نکال سکتے تھے۔ 1996 میں مارلا پر ایک باڈی گارڈ کے ساتھ افیئر کا الزام لگا جس کی دونوں نے تردید کی تھی۔ انہوں نے 1997 میں علیحدگی اختیار کی اور 1999 میں باضابطہ طور پر الگ ہونا کا اعلان کیا۔ اس طرح ٹرمپ کی لگاتار دو شادیاں عوامی بحث اور میڈیا کے تنازع کے درمیان ختم ہو گئیں۔
ٹرمپ کی تیسری شادی 2005 میں سلووینیا میں پیدا ہوئیں سابق ماڈل میلانیا ٹرمپ سے ہوئی۔ یہ رشتہ آج تک جاری ہے لیکن شادی کے حوالے سے وقتاً فوقتاً قیاس آرائیاں اور تنازعات سامنے آتے رہتے ہیں۔ دونوں کے درمیان سب سے اہم تناؤ 2016 کی انتخابی مہم کے دوران سامنے آیا، جب ’ایکسیس ہالی ووڈ‘ ٹیپ تنازعہ نے ٹرمپ کی امیج کو نقصان پہنچایا۔ اس وقت رپورٹس میں کہا گیا کہ اس واقعے کا ذاتی سطح پر بھی اثر پڑا اورمیلانیا نے عوامی پلیٹ فارمز سے کچھ وقت کے لیے کنارہ کشی اختیار کر لی۔ اس کے بعد جب ٹرمپ 2017 میں صدر بنے تو میلانیا فوری طور پر وائٹ ہاؤس میں منتقل نہیں ہوئیں۔ اس کی سرکاری وجہ بیٹے بیرن کی تعلیم بتایا گیا لیکن امریکی میڈیا نے اسے ازدواجی مسائل سے جوڑ کر بھی پیش کیا۔
ٹرمپ کے دور صدارت کے دوران دونوں کی عوامی تقریبات میں الگ تھلگ رہنے یا رسمی رویہ رکھنے کی تصاویر اکثر وائرل ہوئیں۔ سوشل میڈیا ’سیو میلانیا‘اور’سیڈمیلانیا‘جیسے ہیش ٹیگز نے بھی سوشل میڈیا پر ٹرینڈ کیا، جس سے رشتے کے بارے میں قیاس آرائیوں کو ہوا ملی۔ کچھ رپورٹس میں یہ بھی بتایا گیا کہ میلانیا ٹرمپ کے سیاسی کردار سے ناخوش ہیں اور اپنی ذاتی زندگی کو ترجیح دینا چاہتی ہیں۔ مزید برآں 2006 سے مبینہ ‘ہش-منی” تنازعہ اور اداکارہ سٹورمی ڈینیئلز کے بارے میں ٹرمپ کے الزامات بار بار منظر عام پر آ چکے ہیں، جس کی ٹرمپ نے تردید کی ہے۔ تاہم، ان واقعات نے یقینی طور پر اس کے ازدواجی تعلقات کے بارے میں عوامی بحث کو ہوا دی۔
