مہاگٹھ بندھن آج جاری کرے گا انتخابی منشور، راہل گاندھی کل مظفرپور میں کریں گے ریلی سے خطاب

راہل گاندھی سکرا اسمبلی حلقہ کے مجھولیا میں عوام سے خطاب کریں گے۔ آر جے ڈی لیڈر اور بہار اسمبلی میں اپوزیشن لیڈر تیجسوی یادو بھی اس دورے کے دوران راہل کے ساتھ اسٹیج پر نظر آئیں گے۔

بہار میں جاری اسمبلی انتخابات میں راہل گاندھی کا یہ پہلا بڑا دورہ ہوگا، اس حوالے سے پارٹی کارکنوں میں زبردست جوش و خروش ہے۔ اس سے پہلے راہل گاندھی نے بہار میں 16 دن تک ’ووٹر ادھیکار یاترا‘ کر کے تقریباً 1300 کلو میٹر پیدل چل کر ریاست کے مختلف حصوں میں عوام سے براہ راست بات چیت کی۔ اب وہ باضابطہ طور پر انتخابی مہم کے میدان میں اتر رہے ہیں۔ جس کے بعد ریاست کے سیاسی درجہ حرارت میں اضافہ ہونا یقینی ہے۔