موسم کی مار! آئی جی آئی ایئرپورٹ پر 40 پروازیں منسوخ، 200 سے زائد تاخیر کا شکار

دہلی کے اندرا گاندھی بین الاقوامی ہوائی اڈے پر گھنے کہرے کی وجہ سے صبح سے ہی پروازوں میں خاصی رکاوٹ جاری ہے۔ اب تک تقریباً 40 پروازیں منسوخ ہو چکی ہیں، جب کہ 7 پروازوں کو جے پور اوراحمد آباد کے لیے ڈائیورٹ کیا گیا ہے جن میں گھریلو اور بین الاقوامی دونوں شامل ہیں۔ وہیں صبح 11 بجے تک 200 سے زیادہ پروازیں تاخیر کا شکار ہوئیں، کئی پروازیں 5-6 گھنٹے تاخیر سے روانہ ہوئیں، جن میں دہلی سے مانچسٹر جانے والی انڈیگو کی پرواز 6E-33  بھی شامل ہے۔