مودی کے خطاب سے قبل جے رام رمیش کا بیان، ٹرمپ کے دعوے، ایچ ون بی ویزا بحران اور کسانوں کی حالت پر سوال

رمیش کے مطابق، ٹرمپ نہ صرف امریکہ بلکہ سعودی عرب، قطر اور برطانیہ میں بھی یہ بات دہرا چکے ہیں۔ انہوں نے سوال کیا کہ آیا وزیر اعظم مودی ان دعوؤں پر کوئی وضاحت دیں گے یا پھر خاموشی اختیار کریں گے۔

کانگریس لیڈر نے ہند-امریکہ تعلقات پر بھی سوال کھڑے کیے۔ ان کے مطابق، دونوں ممالک کے تعلقات دن بدن خراب ہو رہے ہیں لیکن وزیر اعظم اس پر کوئی کھل کر بات نہیں کر رہے۔ جے رام رمیش نے خاص طور پر امریکہ کی جانب سے ایچ ون بی ویزا پر 100,000 ڈالر (تقریباً 88 لاکھ روپے) کی نئی فیس کے اعلان کا ذکر کیا۔ اس فیصلے سے لاکھوں ہندوستانی آئی ٹی پروفیشنلز متاثر ہوں گے کیونکہ ایچ ون بی ویزا ہولڈرز میں ستر فیصد سے زیادہ ہندوستانی ہیں۔ رمیش کا الزام ہے کہ اس معاملے پر حکومت کی جانب سے اب تک کوئی واضح لائحہ عمل یا یقین دہانی سامنے نہیں آئی۔