مودی حکومت کی پالیسیوں سے نجی سرمایہ کاری جمود کا شکار: جے رام رمیش

انہوں نے مزید کہا کہ بینک قرض دینے کے لیے تیار ہیں لیکن کمپنیاں موجودہ کاروباری ماحول کو توسیع کے لیے سازگار نہیں سمجھتیں، اس لیے قرض لینے سے گریز کر رہی ہیں۔ ان کے مطابق موجودہ جمود کی بنیادی وجہ سرمایہ کاری کے لیے مطلوبہ مانگ کا نہ ہونا ہے۔

جے رام رمیش نے ہندوستان میں طلب میں کمی کے تین بڑے اسباب بھی گنوائے- مزدوری میں جمود، پیچیدہ اور غیر منصفانہ جی ایس ٹی ڈھانچہ اور بڑھتی ہوئی اقتصادی عدم مساوات۔ ان کا کہنا تھا کہ جب عام لوگ کم خرچ کر رہے ہوں تو صنعتوں کے لیے پیداوار بڑھانے کی کوئی معقول وجہ نہیں رہتی۔