’منوسمرتی کے مطابق ملک چلانے کی سوچ قوم کی یکجہتی کے لیے زہر‘، سنگھ پر امریکی کمیشن کی سفارش کے بعد کانگریس کا بیان

کانگریس کے مطابق امریکی کمیشن برائے بین الاقوامی مذہبی آزادی نے اپنی سفارش میں کہا ہے کہ آر ایس ایس مذہبی آزادی کے لیے خطرہ بن سکتی ہے۔ پوسٹ میں دعویٰ کیا گیا کہ کمیشن نے امریکی انتظامیہ کو یہ مشورہ بھی دیا ہے کہ آر ایس ایس کے ارکان کے امریکہ میں داخلے پر پابندی لگانے اور تنظیم سے وابستہ افراد کے اثاثوں کے خلاف کارروائی جیسے اقدامات پر غور کیا جائے۔

پارٹی نے اپنی پوسٹ میں اس بات پر زور دیا کہ یہ سفارشات ایک امریکی سرکاری ادارے کی جانب سے سامنے آئی ہیں۔ کانگریس کے مطابق کمیشن نے اپنی رپورٹ میں مذہبی آزادی سے متعلق خدشات کا ذکر کرتے ہوئے ایسے اقدامات کی ضرورت پر زور دیا ہے۔