ممتا بنرجی کا ایس آئی آر کے خلاف غیر معینہ مدت کا دھرنا، کولکاتا میں خود کریں گی احتجاج کی قیادت

کولکاتا: مغربی بنگال کی وزیر اعلیٰ ممتا بنرجی ریاست میں جاری خصوصی گہری نظر ثانی (ایس آئی آر) کے خلاف جمعہ کی دوپہر سے وسطی کولکاتا کے ایسپلانیڈ ایسٹ میں غیر معینہ مدت کا دھرنا شروع کریں گی۔ اس احتجاج کی قیادت خود وزیر اعلیٰ کریں گی اور ترنمول کانگریس کے کارکنان بڑی تعداد میں اس میں شرکت کریں گے۔

اطلاعات کے مطابق ترنمول کانگریس کے کارکنان اور رہنما جمعہ کی صبح سے ہی ایسپلانیڈ ایسٹ میں جمع ہونا شروع ہو جائیں گے۔ ممتا بنرجی کے دوپہر تقریباً دو بجے احتجاجی مقام پر پہنچنے اور دھرنے کے باضابطہ آغاز کی توقع ہے۔