مشرق وسطیٰ میں انڈیگو کی پروازیں بحال، احتیاطی تدابیر اور سکیورٹی پر زور

ایئرلائن نے مشورہ دیا کہ مسافر وقتاً فوقتاً انڈیگو کے موبائل ایپ یا ویب سائٹ پر اپ ڈیٹ چیک کرتے رہیں تاکہ کسی بھی تبدیلی یا اہم اطلاع سے بروقت آگاہ رہیں۔ انڈیگو نے اپنے مسافروں کا شکریہ ادا کرتے ہوئے کہا کہ ان کے اعتماد اور تعاون کی بدولت ہی یہ عمل ممکن ہو رہا ہے۔

یہ اعلان اس وقت سامنے آیا جب انڈیگو نے چند گھنٹے قبل ہی مشرق وسطیٰ کی کشیدہ صورت حال کو مدنظر رکھتے ہوئے کئی اہم روٹس پر پروازیں صبح 10 بجے تک کے لیے عارضی طور پر معطل کرنے کا فیصلہ کیا تھا۔ اس وقت ایئرلائن نے کہا تھا، ’’ہم سمجھتے ہیں کہ اس فیصلے سے آپ کی سفری منصوبہ بندی متاثر ہو سکتی ہے، اور ہمیں اس پر افسوس ہے۔ لیکن آپ یقین رکھیں کہ یہ اقدام صرف اور صرف آپ کی حفاظت کے لیے کیا گیا ہے۔‘‘