مذہبی رواداری ہندوستانی اخلاقیات کا اہم حصہ ہے

سوشل میڈیا پر کئی نوجوان ایسے موضوعات پر بات کرتے نظر آتے ہیں جو معاشرتی بہتری کے لیے ضروری ہیں لیکن ان کی تعداد بہت کم ہے ہمیں نہ صرف ان نوجوانوں کی حوصلہ افزائی کرنی چاہئے بلکہ معاشرتی بہتری کے فروغ کے لئے کام کرنا چاہئے۔

بدلتی اخلاقیات نہ تو مکمل طور پر نقصان دہ ہیں، نہ ہی صرف مثبت۔ وقت کے ساتھ کچھ تبدیلیاں فطری اور ضروری ہوتی ہیں، جیسے خواتین کو مساوی حقوق دینا، ذات پات کے نظام کو رد کرنا، بزرگوں اور پڑوسیوں پر توجہ دینا یا نوجوانوں کو اظہارِ رائے کی آزادی دینا لیکن اگر یہ تبدیلیاں انسانی ہمدردی، دیانت داری اور احترام جیسے بنیادی اصولوں کو متاثر کریں تو یہ معاشرتی زوال کا سبب بنتی ہیں۔

ہندوستان کو چاہیے کہ وہ اپنی روایتی اقدار کی جڑوں کو مضبوط رکھتے ہوئے جدید تقاضوں سے ہم آہنگ اخلاقیات کو فروغ دے۔ صرف سائنسی ترقی یا معاشی بہتری کافی نہیں؛ ایک مثالی سماج کی بنیاد ہمیشہ اعلیٰ اخلاقی اقدار پر ہوتی ہے۔