’مدر آف ڈیموکریسی‘ کی بات کرنے والے جمہوریت کی روح کو روندنے پر آمادہ کیوں؟‘ لوک سبھا میں ہنگامہ پر کھڑگے کا تلخ سوال

اس معاملہ میں کھڑگے کا کہنا ہے کہ ’’پورا ملک جانتا ہے کہ بی جے پی کا نیشنلزم جھوٹا ہے۔‘‘ وہ یہ سوال بھی پوچھتے ہیں کہ ’’وہ حب الوطنی کی بڑی بڑی باتیں کرتے ہیں، لیکن 2020 میں گلوان میں ہمارے 20 جوانوں کی قربانی کے بعد مودی جی خود چین کو ’کلین چٹ‘ تھما دیتے ہیں۔ کیا یہ سچ نہیں ہے؟ کیا پارلیمنٹ میں اس سے پہلے قومی سیکورٹی و خارجہ پالیسی سے جڑے ایشوز پر ملک کو بھروسہ میں نہیں لیا گیا ہے؟‘‘ پوسٹ کے آخر میں وہ یہ تلخ سوال بھی پوچھتے ہیں کہ ’’مدر آف ڈیموکریسی کی بات کرنے والے جمہوریت کی روح کو روندنے پر آمادہ کیوں ہیں؟‘‘