مختلف محکمے، ایک جیسے گھپلے…ہرجندر

سی اے جی کی جانچ میں یہ بات سامنے آئی کہ پی ایم کے وی وائی 2.0 اور 3.0 کے 94.53 فیصد مستفیدین ایسے ہیں جن کے اکاؤنٹ نمبرز سرے سے درج ہی نہیں کیے گئے۔ کہیں صفر لکھا گیا ہے اور کہیں ’دستیاب نہیں‘۔

اس اسکیم کے تحت مختلف کورسز مکمل کرنے پر مستفیدین کو 2,200 روپے سے لے کر 12,000 روپے تک دیے جاتے ہیں، جس کا اوسط تقریباً 8,000 روپے فی کس بنتا ہے۔ 14,450 کروڑ روپے کے بجٹ والی اس اسکیم کا مقصد 1.31 کروڑ نوجوانوں کو ہنرمند بنانا تھا، جن میں سے اب تک 1.1 کروڑ کو سرٹیفکیٹ دیے جا چکے ہیں۔ مگر سی اے جی کی رپورٹ کے مطابق 34 لاکھ مستفیدین کو اب تک رقم ہی نہیں ملی۔