محکمہ موسمیات نے کہا کہ دہلی میں سردی کی لہر ابھی تھمنے والی نہیں ہے

دہلی کے کئی علاقوں میں 6 جنوری تک صبح اور رات کے اوقات میں گھنے سے بہت گھنے دھند دیکھی جا سکتی ہے۔ یکم جنوری کو بہت سے علاقوں میں مرئیت خراب تھی۔جمعہ (2 جنوری) کے لیے محکمہ موسمیات نے کئی مقامات پر ہلکی دھند کے ساتھ مطلع جزوی طور پر ابر آلود رہنے اور صبح کے وقت کچھ مقامات پر گھنی دھند کی پیش گوئی کی ہے۔ زیادہ سے زیادہ درجہ حرارت 16 سے 18 ڈگری سیلسیس کے درمیان رہنے کا امکان ہے جب کہ کم سے کم درجہ حرارت 8 سے 10 ڈگری سیلسیس کے درمیان رہنے کا امکان ہے۔