لوک سبھا میں ہنگامہ جاری، اوم برلا کے خلاف عدم اعتماد کی تحریک لانے کی تیاری!

اسی دوران انڈین ایکسپریس نے ذرائع کے حوالے سے یہ خبر سامنے آئی کہ اپوزیشن لوک سبھا کے اسپیکر اوم برلا کے خلاف عدم اعتماد کی تحریک لانے کی تیاری کر رہی ہے۔ اگر ایسا ہوتا ہے تو بجٹ اجلاس کے آئندہ دنوں میں بھی ایوان میں کشیدگی برقرار رہنے کے امکانات ہیں۔

لوک سبھا میں گزشتہ کئی دنوں سے سابق فوجی سربراہ ایم ایم نروَنے کے ایک غیر مطبوعہ یادداشت اور دیگر امور کو لے کر تعطل جاری ہے۔ کانگریس اور دیگر اپوزیشن جماعتیں صدر کے خطاب پر شکریہ کی تحریک پر بحث کے دوران راہل گاندھی کو چین سے کشیدگی کے معاملے پر اظہار خیال کی اجازت نہ ملنے پر اعتراض جتا رہی ہیں۔ اس کے علاوہ اپوزیشن کے آٹھ ارکان کی معطلی کے معاملے کو بھی موضوع بنایا جا رہا ہے۔