لندن میں شاہ رخ خان اور کاجول کا مجسمہ نصب، ’ڈی ڈی ایل جے‘ کے 30 سال مکمل ہونے پر تاریخی اعزاز

مجسمے میں شاہ رخ خان اور کاجول کو ان کے آئکونک پوز میں دکھایا گیا ہے، جو گزشتہ تین دہائیوں سے شائقین کے دلوں میں بسے ہوئے ہیں۔ اسٹیچو ٹریل میں اس سے قبل ہیری پاٹر، بیٹ مین، مسٹر بین اور لوریل اینڈ ہارڈی جیسے مشہور ہالی ووڈ کرداروں کے مجسمے موجود ہیں اور اب راج–سمرن کی شمولیت نے ہندوستانی سنیما کی عالمی موجودگی کو مزید مستحکم کر دیا ہے۔

شاہ رخ خان نے اس یادگار لمحے کی تصویریں اپنے انسٹا گرام پر شیئر کیں اور ساتھ اپنے مشہور مکالمے کا حوالہ دیتے ہوئے لکھا،
’’بڑے بڑے ملکوں میں ایسی چھوٹی چھوٹی باتیں ہوتی رہتی ہیں، سینوریٹا۔ لندن کے لیسِٹر اسکوائر میں راج اور سمرن کا برانز مجسمہ دیکھ کر بے حد خوشی ہوئی۔ یہ ڈی ڈی ایل جے کے 30 سال مکمل ہونے کا جشن ہے۔‘‘