’فریکوئنٹ فلائر‘ وزیر اعظم وطن واپس، اب منی پور اور بنیادی ڈھانچے پر توجہ دیں: جے رام رمیش

نئی دہلی: کانگریس پارٹی نے وزیر اعظم نریندر مودی کے حالیہ غیر ملکی دورے کے بعد ان پر طنز کرتے ہوئے کہا ہے کہ اب جب وہ وطن واپس آ چکے ہیں، تو انہیں منی پور، پہلگام اور اپنے آبائی ریاست گجرات سمیت دیگر داخلی مسائل پر سنجیدگی سے توجہ دینی چاہیے۔

وزیر اعظم مودی نے حال ہی میں پانچ ممالک، گھانا، ترنیداد و ٹوباگو، ارجنٹینا، برازیل اور نمیبیا کا دورہ مکمل کیا، جس کے دوران وہ برازیل کے شہر ریو ڈی جنیریو میں 17ویں برکس سربراہی اجلاس میں بھی شریک ہوئے۔